Webgune honetan sartzean, erabilera baldintzak ezagutzen, ulertzen eta onartzen dituzula aitortzen duzu. Sartzeko unean dagoen bertsioko baldintzak dira onartzen dituzunak eta, unean uneko lege-arauen arabera baldintza horiek aldatu daitezkeenez, zera gomendatzen dizugu: webgunean sartzen zaren bakoitzean kontsulatu baldintza hauek eta Datu Pertsonalak Babesteko Bermea izeneko atala.

Identifikatu gabeko erabiltzaileak ere sar daitezke webgune honetako edukietan. Dena den, edukioi buruz iruzkinak egiteko, botoa emateko eta edukiak norberaganatzeko erregistratu egin behar da. Edukiak norberaganatzeko ahalmena hauek bakarrik daukate: Gipuzkoako Foru Aldundiko departamentuek eta Gipuzkoako udalek, erakunde autonomoek eta sozietate publikoek.

Erabiltzaile erregistratu batek erregistrotik atera nahi badu badauka erregistrotik atera, bere izenarekin saioa hasi ondoren, "Nire profila" atalean "Itxi kontua" aukera erabiliz.

Erabiltzaileak bere burua behartzen du bere identitatea ez faltsutzera beste baten identitatea bere eginez, existitzen ez den beste baten identitatea bere eginez edo beste edozein pertsonarekiko edo erakunderekiko duen ahaidetasunari buruz gezurra esanez. Beste aldetik, erabiltzaile bakoitza bere pasahitzaren segurtasunaz arduratu behar da, bera izango baita bere sarbide izenarekin eta pasahitzarekin egindako jarduketa guztien erantzulea.

Erabiltzaileak ahal du webguneko elementu guztiak bistaratu, inprimatu, birsortu, kopiatu, bere ordenagailuaren disko gogorrean edo beste edozein euskarri fisikoan biltegiratu, eta banatu, baldin eta jatorriko testuingurua errespetatzen badu eta elementuok ez baditu aldatzen. Beste aldetik, erabiltzaileak hitzematen du webguneko edukiak ez dituela legezkoak ez diren helburuetarako erabiliko. Hitzematen du, baita ere, webguneko edukiak ez dituela irabazizko xedez eskuratuko, birsortuko edo banatuko. Debekatutako irabazizko xedeen artean ez da sartzen GipuzkoaTV gunean norberak bere jatorriko kanala edukitzea, edo negozio jakin bat sustatzea helburu duten webgunetan txertaturiko bideo irakurgailuak erabiltzea.

Zure web orrian bideo-irakurgailu txertatua baldin badaukazu GipuzkoaTV webguneko edukiak ikusteko, GipuzkoaTV webgunera joateko ageriko lotura jarri beharko duzu zure webgune horretan.

Gipuzkoako Foru Aldundiak kontrolatzen ez dituen beste webgunetara joateko loturak egon daitezke GipuzkoaTV webgunean, eta, beraz, Aldundiari ezin zaio egotzi webgune horiek dauzkaten edukien, pribatutasun politiken eta jokamoldeen erantzukizuna. Hartaz, erabiltzaileak, hirugarren baten webgunea erabiltzean har bide edozein erantzukizunetik libratzen du Gipuzkoako Foru Aldundia.

Erabiltzaileen iruzkinak informazio eta erabilera pertsonalekoak dira. Ezin dira, beraz, erabili, kopiatu, birsortu, banatu, transmititu edo saldu.

Gipuzkoako Foru Aldundiak ez du bere gain erantzukizunik hartuko beste erakundeek GipuzkoaTV webgunean erantsitako edukien zehaztasunari, erabilgarritasunari, segurtasunari edo jabetza intelektualari buruz. Erabiltzaileak, hartaz, webguneko edukien erantzukizunetik libratzen du Gipuzkoako Foru Aldundia, non eta eduki horiek sartu dituena ez den Aldundia bera. Gauza bera adierazi behar da GipuzkoaTV webguneko edukiei atxikitako iruzkinei buruz. Hau da, erabiltzailea bera egingo da berak argitaratutako edukien eta iruzkinen erantzule. Beraz, erabiltzailearen ardurapekoa da berak argitaratutako edukiei buruzko jabetza intelektuala, patenteak, marka erregistratuak eta copyright baimenak edukitzea.

Beste aldetik, edukiren bat argitaratzen duenak eskubidea aitortzen dio Gipuzkoako Foru Aldundiari eduki hori tasarik gabe birsortu eta banatzeko eta Gipuzkoa TV webguneko erabiltzaile guztiei eskubide horiek transferitzeko.

Datu Pertsonalak Babesteko Bermea

Gipuzkoako Foru Aldundiak erabateko konfidentzialtasuna bermatuko du erabiltzaileek emandako datuak jasotzean eta tratatzean. Foru Aldundiak, beste aldetik, datu pertsonalak babesteko legeek eskatzen dituzten segurtasun neurriak hartu ditu, eta baita bere eskura dauden neurri eta bitarteko tekniko guztiak ere, emandako datu pertsonalak ez daitezen galdu, inork ez ditzan gaizki erabili, ez daitezen aldatu, baimenik gabe inork ez ditzan eskuratu eta inork ez ditzan lapurtu.

Jasotako datu pertsonalak bitarteko automatizatuen bidez tratatuko dira eta Gipuzkoako Foru Aldundiaren kasuan kasuko fitxategi automatizatuei erantsiko zaizkie. Emandako datuak, izena emateko formularioan agertzen diren helburuetarako bakarrik erabiliko dira.

Datu Pertsonalak Babesteko 1999ko abenduaren 13ko 15/99 Lege Organikoak (DBLO) xedatutakoa betez, GipuzkoaTV webgunean erregistratuta dagoenak ahal du, edozein unetan, bere datuetan sartzeko eta datuok zuzendu eta deuseztatzeko eskubideaz baliatu, lege berean eta hura garatzen duten arauetan aurreikusitako moduan eta Informazioaren Gizarteko eta Merkataritza Elektronikoko Zerbitzuei buruzko Legean (2002ko uztailaren 11ko 34/02 Legea) xedatutakoaren arabera.

Gipuzkoako Foru Aldundiak behar adina bitarteko tekniko eskainiko dizkie erregistratuta daudenei, datu pertsonalak eman aurretik eskura dezaten datu pertsonalak babesteko politikari buruzko abisu hau edo beste edozein informazio garrantzitsu, eta beren oniritzia eman dezaten Gipuzkoako Foru Aldundia erabiltzaileen datu pertsonalak bitarteko automatizatuen bidez tratatzen hasi aurretik.